بوقالات رووووعة

*السلام عليكم و رحمة الله تعالى و بركاته*


اعقد ...بوقل ...و نوي معايا....



الرقم1 : جاني طبيبي لعندي و قالي واشبيك يا بنتي دواك راهو عندي وقتاش تنحي واش راه في بالك روحك و تسعدي و يجيبلك السعد حنى

لعندك يفتحلك ذرعيه و ينسيك فيه

الخبر: اسمعي اللي يبكيك و لا تسمعي اللي يضحكك و الخبر يجيبوه التوالا





الرقم 2 : عقلي و قلبي في ديك الحوتة راحتو غابت و ما ابغات تبان انا نقول لكم يا سيادي ما نحبها طويلة و لا قصيرة نحبها مربوعة القد قدها يواتيني و عقلها يغنيني

الخبر: عندك الحق الزين ما بنى دار و الزواج ليلة تدبارو عام.مبروك عليك و بالفرج انشاء الله


الرقم 3 : يما يا يما ديرلي تويقة في ديك البيتة كي يذياق خاطري نروح نحوس على التويقة ناس تشوف زهري كي اجيبو ذيك الوريقة

الخبر: ما تغبنش روحك و ما تنساهاش الدنيا ماشية و لعمر ما يستنى حد ويا سعدك يا فاعل الخير


الرقم 4 : طلعت للجبل باش تشوف لحجل صبت الضرو يابس قلتلو يا ضرو القمر يمشي و لا حابس قالي مفرشلك زربية وحداها طاووس

الخبر: شوف غير قدامك تلقى الاحباب كثار يسناو غير اشارة منك و تكون خديمة طايعة تحت رجلك

الرقم 5 : رشيت عتبة الباب بالزهر و الطيب و سقت الاحباب بالعسل و الزبيب و كي جاني جواب كنت نستناه من الحبيب

الخبر: اللي راح و ولى واش من بنة خلة و اللي طاح و اتكسر عمرو لا يرجع كي الاول هدي كلمة و ديرها مليح في بالك

الرقم 6 : سعدي مليح و قنديلي ضاوي البنيان اللي بنيتو سجالي و الحبيب اللي ديتو كواني بنار الحب اسقاني و هناني و انا من غيرو ما نعيش هاني

الخبر: ربي يحفظهم من العين و الحاسدين

الرقم 7 : خرجت في الليل و عقلها طاير شافت النجوم و قلبها شاعل راحت امشات شمعتها اضوات ان شاء الله ربي يكملها واش انوات

الخبر: قولو أمين هذا فال زين تربحو عليه ان شاء الله